කතෝලික ධර්මය

මහෝත්තම දෙවි පියාණන් වහන්සේ හරි හොඳයි, අපට ලස්සන ලෝකයක් මවා දුන්නා හරිම ලස්සනයි 

මගේ ශරීරය බොහොම වටිනවා එය පිරිසිදුව තබා ගන්නවා මට සිරුර ලබා දුන් මහෝත්තම දෙවි පියාණන් වහන්සේට මම ආදරෙයි 

අම්මා තාත්ත හරි හොඳයි - අපට ආදරෙයි 

අක්කා අයියා නංගි මල්ලි - හරිම එකමුතුයි 

මට අම්මා තාත්තා සහෝදර සහෝදරියන් ලබාදුන් මහෝත්තම දෙවි පියාණන් වහන්සේට ස්තුතියි 

ජේසුස් වහන්සේ වගේ අපිත් අසල්වැසියන්ට සහ යහළුවන්ට උදව් වෙමු 

ජේසු කුමරු මෙන් අපිත් දෙවි පියාණන් වහන්සේට යදිමු දෙමව්පියන්ට කීකරුවෙමු වැඩිහිටියන්ට ගරු කරමු 

හිස නමා දණ ගසා 

වඳිමු අපේ දෙවි පියා 

මහෝත්තම දෙවි පියාණනි අපට ලබා දුන් හැමදේටම ස්තුතියි 

මෙලොවෙ දී කුඩා ජේසුස් වහන්සේ රැක බලාගත්තේ ශුද්ධ වූ ජුසේ තුමා යි. 

ශුද්ධ වූ ජුසේ තුමා වඩු වැඩ කළා.

කුඩා ජේසුස් වහන්සේ සුරැකි පියාට නිතර ම උදවු කළා.

ඒ වාගේ අපිත් අපේ දෙමව්පියන්ට උදවු කරමු.

ජේසු කුමරුගේ උපතයි -ගවලෙනයි

සමගිය සාමය සපිරුණු -නත්තලයි

බෙදා හදා ගැන්මයි - සැම සිත් සතුටුයි

ගැලැවුම්කරුවාණෙනි මේ තුති ඔබ වහන්සේට යි.

මහෝත්තම දෙවි පියාණන් වහන්සේගේ ආදර වචන අඩංගු වී තිබෙන්නේ ශුද්ධ බයිබලයේ ය. කිතුනු අපේ උතුම් ම පොත ශුද්ධ බයිබලය යි.

දේව වචනයට සවන් දෙමු; කියවමු; පිළිපදිමු.

ශුද්ධ වූ ජුසේ වාස් මුනිතුමා අපේ රටේ අපෝස්තුලුවරයාය. ශ්‍රී ලංකාවට බිහිවුණු වීරෝදාර සාන්තුවරයාණෝ එතුමාණෝ ය 

ආනා මෑණි - ජුවකීම් පියෙණි

මරි මව ඔබේ දෝණි

ආදරයෙන් හොඳ නරක කියා දී හැදු සුදුවර දෝණි

ශුද්ධ වූ අන්තෝනි මුනිතුමා ප්‍රාතිහාර්යයේ සාන්තුවරයාණෝ ය. නැති වූ දේවල් සොයා ගැනීමට පිහිට වන්නේ මෙතුමාණෝ ය. 

බෝවන රෝග සුව කිරීමට අප වෙනුවෙන් මැදිහත් වන්නේ සාන්ත සෙබස්තියන් මුනිතුමාය.

ශුද්ධ වූ සභාවේ වර්තමාන නායකයාණෝ අති උතුම් ෆ්‍රැන්සිස් ශුද්ධෝත්තම පියතුමාණෝ ය. ආර්ජන්ටිනාව එතුමාගේ උපන් රටයි. එතුමාණන් වාසය කරන්නේ රෝම නගරයේ ය. ශුද්ධෝත්තම පියතුමා වෙනුවෙන් අපි සැමදා යාච්ඤා කරමු.