01 ශ්‍රේණිය

අධ්‍යාපන අමාත්‍යාංශයේ බෞද්ධ උපදේශක මණ්ඩලය විසින් අනුමත කරන ලද ගුරු වන්දනා ගාථාව සහ අධිෂ්ඨාන පද්‍යය 

ගුරු වන්දනා ගාථාව 

ඔවාද සිප්ප දානේන 

සික්ඛාපේති මමං ගරු 

සගාරවේන චිත්තේන 

අහං වන්දාමි තං ගරුං

ඔවා සිප් දීමෙන

මා හික්මවන පේමෙන

ඇදුරු හද  බැතියෙන

වඳිමි ගරු සිත පෙරටු කරමින

පාසල් උදෑසන රැස්වීම අවසානයේ කෙරෙන අධිෂ්ඨානය 

තෙරුවන පුදා සිහිකර මාපිය දෙදෙන

ගුරු සිත දිනා ඔප කර ගෙන ගුණ නුවණ

කරමින සබා විදුහල් මෑණිගෙ සිහින

සුරකිමි සදා මගෙ රට ජාතිය සසුන

රචක: පූජ්‍ය ගන්තුනේ අස්සජි හිමි

පටුන

1. සිදුහත් බෝසත් උපත 

2. බුදු වීම 

3. පිරිනිවන් පෑම 

4. පින්බර වෙසක් පොහොය 

5. සෝපාක පොඩි පුතා 

6. රාහුල පොඩි හාමුදුරුවෝ 

7. දේවානම්පියතිස්ස රජතුමා 

මිහිඳු හාමුදුරුවෝ මිහින්තලාවට වැඩම කළා. දඩයමේ ගිය තිස්ස රජුට මිහිඳු හාමුදුරුවන් මුණ ගැසුණා.

මිහිඳු හාමුදුරුවෝ රජතුමාට බණ දේශනා කළා. බණ ඇසූ රජතුමා තෙරුවන් සරණ ගියා.

රජතුමා වෙහෙර විහාර සෑදුවා, හාමුදුරුවන්ට සැලකුවා, සතුන් මැරීමෙන් වැළකුණා, දැහැමින් රට පාලනය කළා. 

8. මෙත් වඩමු - ජය ලබමු 

කැලේට ආපු පිළියක් නම් රජතුමා මුවෙකුට විද්දා. සාම කුමාරයාට ඒ ඊතලය වැදුණා. සිහිය නැති වුණා.

අම්මායි තාත්තායි පුතා ළඟට ආවා. " අපේ පුතා සුවපත් වේවා!" කියා මෙත් වැඩුවා.

සාම කුමාරයා සුවපත් වුණා.

අම්මාගේත් තාත්තාගේත් ඇස් පෙනුණා.

අපිත් මෙත් වඩමු. ජය ලබමු.

9. තෙරුවන් සරණ වේවා! 

10. රකිමු පන්සිල්

11. හොඳ වැඩයි සතුටයි 

12. පන්සල් පින් බිම 

13. සිත සතුටින් වන්දනාව 

වන්දනාවේ පිළිවෙළ 

14. ඩෙංකුටු ඩෙංකුටු නාදේ 

15. සෙල්ලම් බෝනික්කා 

16. අපේ හාමුදුරුවෝ 

17. උතුම් මවුපියෝ 

18. දියුණුවේ මග ගුරුවරු 

19. වැඩිහිටියන්ට උදවු කරමු 

🧑‍🤝‍🧑වැඩිහිටියෝ අපට හුඟක් උදවු කරනවා.

🧑‍🤝‍🧑අපිත් වැඩිහිටියන්ට ආදරයෙන් උදවු කරමු.

20. ආශිර්වාදය 

21. අපේ යහළු කුරුල්ලෝ 

22. ලස්සන පරිසරය සැපතකි 

23. මගේ හොඳ අම්මා 

24. හිංසාව හොඳ නැහැ 

25. සුව දෙන දින චරියාව 

26. අපේ දානෙ ගෙදර 

27. යහපත් වචන මිහිරියි 

මල්ලි : හොඳ වචන කතා කළ අය කවුද අක්කේ?

අක්කා : රාහුල පොඩි හාමුදුරුවෝ, සාම කුමාරයා.

මල්ලි : නන්දිවිසාල ගවයා කරත්ත ඇද්දේ නැත්තේ ඇයි අක්කේ?

අක්කා : නන්දිවිසාල ගවයාට නරක වචනයෙන් කතා කළ නිසා කරත්ත අදින්නේ නැතුව හිටියා.

මල්ලි: හොඳ වචන වලට කවුරුත් කැමැතියි නේද අක්කේ?

අක්කා : ඔව් මල්ලී. හොඳ වචන කතා කරන අයට දෙවිවරුත් කැමැතියි. දිව්‍ය ලෝකේ උපදින්නත් ලැබෙනවා.

මල්ලි : එතකොට නරක වචන කතා කළාම මොකද වෙන්නේ?

අක්කා : අපායේ උපදිනවා. දුක් විඳින්නත් වෙනවා.

මල්ලි : අක්කයි මමයි හොඳ වචන විතරයි කතා කරන්නේ. ඒ නිසා අපි කවදාවත් දුක් විඳින්නෙ නෑ.

28. නමදිමු ජය ශ්‍රී මහා බෝධීන් වහන්සේ 

සංඝමිත්තා තෙරණිය ජය ශ්‍රී මහා බෝධීන් වහන්සේ ලංකාවට වැඩම කළා. 

අනුරාධපුරයේ මහමෙව්නා උයනේ බෝධීන් වහන්සේ රෝපණය කළා.

උතුම් වූ ජය ශ්‍රී මහා බෝධීන් වහන්සේට අපි වඳිමු.

29. රුවන්මැලිසෑය වඳිමු 

දුටුගැමුණු රජතුමා රුවන්මැලි සෑය සෑදුවා. හැම දෙනා ම උදවු කළා.

අනුරාධපුරේ රුවන්මැලි සෑය හුඟක් ලොකුයි. බලන්න ලස්සනයි. අපි රුවන්මැලි වෙහෙර වහන්සේට වඳිමු.

රුවන්මැලි සිත සනසනවා

ගැමුණු රජුන් මට සිහි වෙනවා

දොහොත් මුදුන් දී නමදිනවා

බුදු ගුණ ලොවට ම සෙත දෙනවා