පෙළපොත සම්පාදනයේ දී ඉවහල් කරගත් දර්ශනය 

පළමුවන ශ්‍රේණියට පිවිසෙන දරුවනට බුදු දහම නම් ජීවිතයට සම්බන්ධ කොට, ප්‍රියජනක ලෙස ඉගැන්වීම සුදුසු ය. පෙළ පොත භාවිතය මෙන් ම ආගමික වතාවක් හා බැඳුණු ප්‍රායෝගික ක්‍රියාකාරකම් මගින් ද ඉගැන්වීම් ක්‍රමය පෝෂණය කළ හැකි වේ. මෙම පෙළ පොතෙහි පාඩම් ගොඩනැගී ඇත්තේ ආගමික ක්‍රියාකාරකමකට පෙර හෝ පසු ව හෝ සමගාමී ව හෝ යොදා ගත හැකි ආකාරයටය.

1. සිදුහත් බෝසත් උපත

අපගේ බෝසතාණන් වහන්සේගේ උපතේ දී අසිරිමත් සිදුවීම් රැසක් සිදු වූ බව දරුවන්ට වටහා දී බුදුරජාණන් වහන්සේගේ ශ්‍රේෂ්ඨත්වය හඳුනා ගැනීමට යොමු කිරීම මෙම පාඩමෙන් අපේක්ෂා කෙරේ.

2. බුදු වීම

වෙසක් මස පුර පසළොස්වක පොහොය දා බුද්ධත්වයට පත් වූ බවත්, එම ස්ථානය පිළිබඳවත් අවධානය යොමු කරමින් බුදුරජාණන් වහන්සේගේ ශ්‍රේෂ්ඨත්වය මෙම පාඩම තුළින් ද මතු කිරීම අපේක්ෂිතය.

3. පිරිනිවන් පෑම

පිහි පැවිදි අය මෙන් ම දෙවියන් ද කම්පාවට පත් කළ බුද්ධ පරිනිර්වාණය සල් වනයක දී සිදු වූ බව පැහැදිලි කොට බුදුරජාණන් වහන්සේගේ ශ්‍රේෂ්ඨත්වය මතු කිරීම මෙම පාඩමේ අරමුණ වේ.

4. පින්බර වෙසක් පොහොය

වෙසක් පොහොයේ දී සිල් ගැනීම, දන්දීම ආදී බොහෝ පින්කම් සිදු කෙරෙන බවත්, වෙසත් පහන් කුඩු. කොඩිවැල්. තොරණ ආදියෙන් රාත්‍රී කාලය විචිත්‍ර වන අන්දමත් අවධානයට ලක් කිරීම අරමුණු කෙරේ.

5. සෝපාක පොඩි පුතා

බුදුරජාණන් වහන්සේගේ මහා කරුණා ගුණය හෙළිවන මෙම කතාව දරුවන්ගේ සිත් තුළ කාරුණික ගුණය ජනිත කිරීම සඳහා භාවිත කිරීම අපේක්ෂා කෙරේ.

6. රාහුල පොඩි හාමුදුරුවෝ

අනතිමානි ගුණය සාර්ථක ජීවිතයක් ගොඩ නගා ගැනීමට හේතු වන බව මෙම චරිතයෙන් පැහැදිලි කර දී දරුවන් තුළ එම ගුණය ජනිත කරවීම මෙම පාඩමේ අරමුණ වේ.

7. දේවානම් පියතිස්ස රජතුමා

අභිඤ්ඤාය මනයෙන් පසු දේවානම් පිය සිස්ස රජතුමා බුදු දහම වැලඳගෙන සත්ත්ව හිංසාව අත්හැරි බව දක්වා දරුවන් සත්ත්ව හිංසාවෙන් වළක්වා සතුන් ආරක්ෂා කරවීම මෙයින් අපේක්ෂිත ය.

8. මෙත් වඩමු ජය ලබමු

සාම කුමරුගේ චරිතය තුළින් ආදරය, කරුණාව, සත්‍යය පැවසීම යන ගුණාංග ඉස්මතු කොට දෙමවුපියන්ට සැලකීමේ ගුණය සහ සත්‍ය ක්‍රියාවේ බලය සිසු අවධානයට යොමු කිරීම මෙහි අරමුණය.

9. තෙරුවන් සරණ වේවා!

තෙරුවන් හඳුන්වා එහි වටිනාකම පෙන්වා දී තෙරුවන් වැඳීමේ පාඨ කටපාඩම් කරවීම මෙයින් අපේ - මතය.

10. රකිමු පන්සිල්

පන්සිල් හඳුන්වා දී ඒ අනුව තම ජීවිතය හැඩ ගසා ගත යුතු බව පැහැදිලි කොට එම පාඨ කටපාඩම් කරවීමක් පුහුණුවට ඒවායේ අර්ථ සිංහලෙන් පැහැදිලි කිරීමත් මෙයින් අපේක්ෂා කෙරේ.

11. හොඳ වැඩයි සතුටයි

තමන්ගේ මෙන් ම අනුන්ගේ ජීවිතයට ද වැඩදායක වන හොඳ වැඩ කිරීම තුළින් මානසික සුවයක් ලැබෙන බවත්, එය නිරන්තර පුහුණු විය යුතු දෙයත් බවත් පැහැදිලි කොට හැකි කරමින් යහපත් ක්‍රියා කිරීමට සිසුන් යොමු කරවීම මෙහි අරමුණ වේ.

12. පන්සල් පින් බිම

වසරසට කිහිප වතාවක් සන්සල් යාමට පාසල තුළින් අවස්ථාව ලබා දෙමින් පන්සල් යෑමට පෙර කළ යුතු වත්පිළිවෙත් තුවා පල සිට ම ක්‍රමානුකූල ව නිවැරැදි ව කිරීමට යොමු කිරීම මෙයින් අපේක්ෂිතය.

13. පිත සතුටින් වන්දනාව

පන්සලට ඇතුළු වීමට පෙර සහ පසු ව කළ යුතු බොදු සිරිත් අනුගමනය කරමින් දරුවා වන්දනාවට සූදානම්

• වන්දනාවේ පිළිවෙළ

පන්සලට ඇතුළු වූ දරුවා පිළිවෙළකට ඒ ඒ පූජනීය ස්ථාන වන්දනා කළ යුතු අන්දම පැහැදිලි කොට පුහුණුවට අදාළ ගාථා කියවීම මෙයින් අපේක්ෂා කෙරේ.

14. ඩෙංකුටු ඩෙංකුටු නාදේ

පෙරහැර අපේ සංස්තෘතික උරුමයක් බවත්, දළදා පෙරහැර සුවිශේෂී බවත් පැහැදිලි කොට, පෙරහැරක ලක්ෂණ පෙන්වා දී පාඩමේ කවිපෙළ ගායනා කරවීම මෙයින් අපේක්ෂිතය.

15. සෙල්ලම් බෝනික්කා

බුදුරජාණන් වහන්සේගේ මහා කරුණා ගුණය ඉස්මතු වන අවස්ථාවක් වන මෙමගින් ජීවී අජීවී සියලු දෙයට ම කාරුණික ව සැලකීම නැමැති බෝසත් ගුණය දරුවන් තුළ ඇති කරවීම අපේක්ෂාවයි.

16. අපේ හාමුදුරුවෝ

දහම් දෙසීමෙන් අවවාද දීමෙන්, ආශිර්වාද පිරීමෙන් භික්ෂුන් වහන්සේලා අපට යහපත් ජීවිතයකට මග පෙන්වන බව පැහැදිලි කොට භික්ෂුන් වහන්සේලාට ගරු කිරීමට සිසුන් යොමු කරවීම මෙයින් අපේක්ෂිතය

17. උතුම් මවුපියෝ

උදේ සවස දෙමවුපියන්ට වැඳීම බොදු දරුවකුගේ සුවිශේෂී ලක්ෂණයක් සහ යහපත් ක්‍රියාවක් බව වටහා දෙමින් ගාථා කියමින් දෙමවුපියන් වන්දනා කිරීමට යොමු කිරීම මෙහි අරමුණ වේ.

18 දියුණුවේ මග ගුරුවරු

ගුරුවරයකු දුටු විට හුනස්නෙන් නැගිට ආචාර කිරීමත්, වැඳ ගරු කිරීමත් බොදු දරුවකුගේ ලක්ෂණයක් වන අතර, කුඩා කල සිට ම එය පුරුදු විය යුතු ය. පුහුණුවට දී ඇති කවිය ගායනා කරමින් ඉහත කී කරුණු සහවුරු කිරීම අපේක්ෂා කෙරේ.

19. වැඩිහිටියන්ට උදවු කරමු

කුඩා කල අපට උදවු කළ වැඩිහිටියන්ට අප සතුටින් උදවු කළ යුතු ය යන්න මෙහි දී අවධානයට ලක් කෙරේ.

20. ආශිර්වාදය

දී ඇති ආශීර්වාද වැසිවල අර්ථය කෙරෙහි ද, හැඟීමෙන් යුතු ව ප්‍රකාශ කිරීම කෙරෙහි ද අවධානය යොමු කරවමින් එය දරුවන්ගේ ජීවිතයට ක්‍රියාකාරී ව සම්බන්ධ කිරීම මෙයින් අපේක්ෂිතය.

21. අපේ යහළු කුරුල්ලෝ

සතුන්ට කරුණාව දක්වීම උතුම් ගුණාංගයක් බව බුද්ධ දේශනාවේ සඳහන් වේ. දරුවන් තුළ සතුන්ට කරුණාව දක්වීමේ ගුණාංගය වර්ධනය තරවීම මෙම පාඩමේ අරමුණ වේ.

22. ලස්සන පරිසරය සැපතකි

සොබා දහමේ වටිනාකම අවබෝධ කරවමින් පරිසරය සුරැකිය යුතු බව වටහා දීම මෙයින් අපේක්ෂා enet.

23. මගේ හොඳ අම්මා

ගෙදර බුදුන් අම්මා බව සිසිකර දී මවගේ වටිනාකම අගය කරවමින් දී ඇති කවිය පාඩම් කරවීම මෙහි අරමුණ වේ.

24. හිංසාව හොඳ නැහැ

සතුනට හිංසා කිරීම බොදු දරුවන් විසින් නොකළ යුත්තන් බව වටහා දෙමින්, දී ඇති කවිය කටපාඩම් කරවීම මෙහි අපේක්ෂාවයි.

25. සුව දෙන දින චරියාව

නිරෝයි ව සිටීමේ අගය පැහැදිලි කොට, යහපත් දින චරියාවක් තුළින් නීරෝගීකම ළඟා කර ගත හැකි ආකාරය පැහැදිලි කර පුහුණුවට දී ඇති කවිය ද පාඩම් කරවීම මෙහි අරමුණය.

26. අපේ දානේ ගෙදර

සැඳහැ සිතින් දානමය පිංකමක නිරත වීමේ අගය පහදා දෙමින් එහි දී අනුගමනය කළ යුතු නිවැරැදි වත් පිළිවෙක් දැක්වීම මෙහි අරමුණ වේ.

27. යහපත් වචන මිහිරියි

"සාධු වාචාය සංවරෝ බුදු වදන පැහැදිලි කරමින් ධම්මචාරී ජීවිතයක් ගත කිරීමට වචනයෙන් සංවර වීම අත්‍යවශ්‍ය ගුණාංගයක් බව දැක්වීම මෙයින් අපේක්ෂිතය.

28. නමදිමු ජය ශ්‍රී මහා බෝධීන් වහන්සේ

බුද්ධත්වය, ශ්‍රී මහා බෝධි දකුණු ශාඛාව, සංඝමිත්තා තෙරණිය අනුරාධ පුරයේ මහමෙව්නාව ආදි කරුණු කෙරෙහි අවධානය යොමු කරමින්, දී ඇති කවිය ද පුහුණුව සඳහා ගායනා කරවීම මෙහි අරමුණුය.

29. රුවන්වැලි සෑය වඳිමු

දුටුගැමුණු රජුගේ නිර්මාණයක් වූ රුවන්මැලි මහ සෑය පිළිබඳ තරුණු දක්වා එහි වටිනාකම අවබෝධ කරවමින්, දී ඇති පවිය ද පුහුණුව සඳහා ගායනා කරවීම මෙම පාඩමෙන් අපේක්ෂා කෙරේ.